Party guztiko PCrik dotoreena daukazula uste duzu? PCaren barruko xehetasun guzti-guztiak zaindu dituzu? Diseinu berezi-berezia egin diozu? Hauxe duzu, orduan, zure lehiaketa! Berdin zaigu nolakoa den kanpotik; barrukoa de benetako edertasuna.

• PCaren barrualdeari erreparatuko dio lehiaketak; kanpoaldea ez da kontuan hartuko.
• 2 kategoria egongo dira:

Likido bidezko hozte-sisteman oinarritutako ordenagailuak.

Aire bidezko hozte-sisteman oinarritutako ordenagailuak.

Araudia:

1. Gipuzkoa Encounter-eko parte-hartzaile gisa akreditatutakoek bakarrik har dezakete parte.
2. Izen-ematea Gipuzkoa Encounter-en intranetaren bidez egingo da.
3. Zenbait alderdi baloratuko dira, 0tik 10era dezimal batekin, eta alderdi horietako bakoitzean lortutako puntuen batura izango da azken puntuazioa.
4. Egindako lanaren edo aldaketen arabera zenbatetsiko da alderdi bakoitza.
5. Kalifikazioak txapelketaren antolakuntzak egingo ditu.
6. Pc-a encounter batean podiumera iritsi bada, ezin izango da hurrengo urteetan aurkeztu. Aldaketa nabarmenak egiten ez bazaizkio behintzat.
7. Ebaluatu behar diren ezaugarriak hiru eratara puntuatu daitezke, ezaugarriaren arabera:

Positiboak: ebaluatu behar diren alderdi gehienetarako erabiltzen dira, eta 0 eta 10 arteko balioa ematen zaie; beraz, gehitu egiten dute beti.

Negatiboak: estatus hoberena izan behar dutela irizten zaien alderdiak balioztatzeko erabiltzen dira, eta -10 eta 0 arteko balioa ematen zaie; beraz, kendu egiten dute beti.

Adibidez, “garbitasuna”: ohikoa garbi egotea da; zikin badago, puntu negatiboak jasoko ditu.

Simetrikoak: 0tik abiatuta, ebaluazioaren arabera balio positiboa edo negatiboa har dezaketen alderdiak dira, eta -10 eta 10 arteko balioa ematen zaie.

Puntuazio simetrikoak sartzea kalitateko lanaren mesedeko da; izan ere, lan baten alderdiren bat oso txarra bada, punturik ez emateaz gain, puntuak kendu ere egin ditzake.

Hauek dira ebaluatzen diren ezaugarriak eta ezaugarri bakoitzaren puntuazio-mota:

9. Banaka edo taldeka har daiteke parte, baina ez bietara: parte hartzen ari den talde bateko kideek ezin izango dute parte hartu banaka; eta, era berean, talde batek ezin izango du parte hartu kideetako bat banaka parte hartzen ari bada. Taldeka parte hartuz gero, taldekideen izenak jakinarazi behar zaizkio antolakuntzari.
10. Parte-hartzaileek bertan egon beharko dute puntuazio-fasean, epaimahaiak egiten dituen galderei erantzuteko.
11. Parte-hartzaile bakoitza Intranetera sartu beharko da izena ematera.
12. Erregelamenduaren aplikazioari buruzko zalantzarik izanez gero, Hardwareko antolakuntzak erabakiko du nola aplikatu behar den.
13. Arauetako edozein ez betetzeak parte-hartzailea lehiaketatik kanpo uztea ekarriko du; era berean, parte-hartzeari dagokionez edo lehiaketarako egindako lanari dagokionez tranparen bat eginez gero, bestelako neurriak ere har daitezke, arau-haustearen larritasunaren arabera.
14. Antolatzaileak jarriko dira harremanetan parte-hartzaile bakoitzarekin, eta ordu bat esleituko diote, ordu horretan antolatzaileek bera dagoen lekuan egin dezaten ekipoaren ebaluazioa.
15. Parte-hartzaile guztiek onartzen dituzte Interiorismo lehiaketaren baldintzak eta arauak.